Uğurlarım

  Azərbaycan Respublikasının prezidenti cenab İlham Əliyev  tərəfindən  2012 ci ildə təsdiq  edilmiş "Azərbaycan 2020: Gələcəyə baxış"  inkişaf konsepsiyası ölkəmizin iqtisadi inkişafının yeni mərhələsində cəmiyyət həyatının  bütün sahələrində  tarazlı  inkişafa,tərəqqiyə nail olmuş,  xalqın firavan gələcəyini  təmin etmişdir. Bu gün bütün dövlət qurumları kimi Təhsil Nazirliyinin  İnkişaf konsepsiyasının həyata keçirilməsi ilə bağlı  məsələlərin həlli istiqamətində  məqsədyönlü fəaliyyət  göstərilməsi alqışa  layiqdir.

     Azərbaycan  2020:  gələcəyə baxış"  inkişaf  konsepsiyasında  təhsil üçün  nəzərdə  tutulan  hədəflər  prezident  İlham Əliyevin  təhsil  haqqında  konseptual  fikirlərindən qaynaqlanır:"Neftimiz,təbii sərvətlərimiz nə vaxtsa tükənər,insan əqli,insan zəkası heç zaman tükənməz.Ona görə də biz  təbii  sərvətlərimizi  insan kapitalına  çevirməliyik.Bunun  üçün müəllimlərimizin  üzərinə  böyük  məsuliyyət  düşür.Çünki,insanın  savadı, biliyi  onun gələcək  həyatını  müəyyən edir."

    Təhsil  inkişafın  əsasında  duran  mühüm amildir!

     Təhsil  cəmiyyətdə  tərəqqinin  hərəkətverici  qüvvəsidir!

    Ölkəmizdə  təhsilə  dövlət  qayğısınin ən  bariz  ifadəsi  bölgələrdəki  məktəblərə  göstərilən  diqqət  və  inkişafın  təmin  edilməsidir.

  XXI əsrin  tələbləri  baxımından  təhsildə  ənənəviliyin  uğurları  qorunub  saxlanmaqla  innovasiyalar  yeni  pedoqoji  texnologiyaların  tətbiqini zəruri etdi. Elə  bu  səbəbdən  yüzlərlə  yeni   anlayışlar  innovasiyalar  kimi  təhsilimizə  daxil  olmuşdur.Həyati  bacariqlara  əsaslanan təhsil, kurikulum, elektron  məktəb, İKT, distant  təhsil, fəal təlim, portfolio, baloniya prosesi,müəllimlərin  dərslərinin  kliniki  müşahidəsi və s. anlayışların  mahiyyətini   bilmək  vacibdir.

 Bizim  məktəbin pedoqoji kollektivi də bu məsuliyyəti  hiss edir  və  dərslərini günün  tələbləri  səviyyəsində  qururlar.Yola saldığımız tədris  ilində məktəbimizin  coğrafiya  müəlliməsi verdiyi  açıq dərsdə İKTnin imkanlarından  istifadə  etmiş,təhsil  nazirliyinin dərsi canlı izləməsinə  şərait yaratmışdır.Dərs  yüksək  keyfiyyətinə  görə  nazirlik  tərəfindən bəyənilmişdir.

    Vaxtaşırı  təşkil  edilmiş  və  Təhsil  nazirliyindən  təlim  üçün  dəvət  edilmiş  mütəxəssislər   tərəfindən  ümumtəhsil  müəllimləri  üçün  fəal  təlim  texnologiyaları  və  inkuliziv  təhsil  üzrə  məqsədli  ixtisasartırma  təmin  edilmiş,hər bir  müəllimin İKT  bacarıqlarına  yiyələnməsi  üçün  çevik  sistem  yaradılmışdır.Bu  "VEB 2 ALƏTLERİNDƏN  İSTİFADƏ","MİMİO İNTERAKTİV TEXNOLOGİYALARİ  İLƏ  TƏDRİS","PEŞƏLƏRİ  MƏSAFƏDƏN  SEÇƏK! DİSTANT MƏLUMAT  MƏSLƏHƏT XİDMƏTİNİN İNKİŞAF ETDİRİLMƏSİ","MÜƏLLİMLƏRİN  LİDERLİK VƏ İDARƏETMƏ SAHƏSİNDƏ PEŞƏKARLIQ SƏVİYYƏSİNİN ARTIRILMASI" təlimlərində  iştirak  edən  müəllimlər  öz  dərslərinin keyfiyyətli  qurulmasında həmin  təlimin imkanlarindan səmərəli şəkilde istifadə etmislər .                  

    Təsadüfi  deyil ki,2014 cü ildə Demokratik  Gənclər İctimai  birliyinin,Smart Teexnologies sirkətinin və Təhsil Problemləri İnstitutunun Ulu öndər  Heydər Əliyevin  91 illik doğum günü münasibətilə həyata keçirdikləri  "Ən yaxşı bloq"  və  "Təhsildə  interaktiv  texnologiyalar"  adlı müsabiqələr  bacarıqlı,səriştəli  müəllim  kadrların  üzə  çıxarılmasında  mühüm  rol oynayır.Müsabiqədə  iştirak  edən  məktəblər  arasında  Şəki  şəhər  11nömrəli  tam orta  məktəbimizin  gənc müəllim  kollektivi də böyük  həvəslə  iştirak  etmiş,hətta  "Ən yaxşı bloq"  müsabiqəsində  respubıika  II si  və III sü olmağı bacarmışlar.Və şəxsən mən özüm həmin müsabiqədə  II yer ilə təltif olunmuşam.

   İyul,avqust  aylarinda Təhsil  Nazirliyinin  xətti  ilə  təşkil  edilmiş "İCTİMAİ  TƏŞƏBBÜSLƏRİN DƏSTƏKLƏNMƏSİ"  layihə müsabiqəsində məktəbimizin fəal  müəllimləri  müxtəlif layihələrlə  iştirak  etmişlər.İnaniriq ki,İsmayil  məktəbindən  sonra layihənin bu  il ki  qalibi  bizlər olacağıq.

    İndiki  dövrdə  yalnız  ənənəvi  təlim  metodlarından  istifadə etməklə  gözlənilən  nəticələrə  nail olmaq  mümkün  deyil.Müasir  təlim  tərbiyə  prosesində  subyekt-subyekt, tərəfdaşlıq münasi-bətlərinə,qarşılıqli  hörmət  və  anlaşmaya  əsaslanan  müəllim  şagird  fəaliyyəti  böyük  əhəmiyyət  kəsb  edir.Bunlara  əsas  verən isə şəxsiyyətyönümlü  təlim texnologiyalarıdır.Şəxsiyyətyönümlü  təlim  hər  bir  şagirdin  fərdi  idrak  qabiliyyətini  inkişaf  etdirmək,şagirdə  özünü  dərketməkdə ,öz  yerini  müəyyənləşdirməkdə  və  özünü  reallaşdırmaqda  kömək  etməkdən  ibarətdir.

  Təhsil  sosial  proseslərə  təsir  göstərən  mühüm  faktor  olmaqla  şəxsiyyəti şərtləndirən  keyfiyyətlərin,dəyərlərin formalaşmasına  xidmət edir.Demokratik  təhsil  cəmiyyətin hər bir üzvünün  bərabər  təhsil alma  hüquqlarını  təmin  edir.Belə  bir imkanı isə ancaq inkuliziv təhsil  yarada  bilər.